Մեր մասին

«Մաչանենց» ապրանքանիշը ներկայացնում է հայկական ձեռագործ աշխատանքների տեսականի Մաչանենց տանը: «Մաչանենց տուն» սոցիալական ձեռնարկությունը մշակութային, կրթական, արվեստի և զբոսաշրջության կենտրոն է։ Այն գտնվում է Հայաստանի հոգևոր քաղաքում՝ Էջմիածնում։ Մաչանենց տունն ունի գորգագործության, կավագործության կենտրոններ, ինչպես նաև Թատրոն, Արվեստաց դպրոց, Ազգային խոհանոցի դպրոց, Նախակրթարան, Արթ թերապիայի դասարան և Ինովացիոն կենտրոն, որտեղ սովորում են շուրջ 700 սան, ներառյալ՝ խոցելի խմբերի երեխաները։ Մաչանենց տան տարածքում գործում են հյուրասիրությունների սրահներ, սոցիալական ռեստորան, արևային խոհանոց, գինետուն, հյուրանոց, հյուրատուն, թանգարան և պատկերասրահներ։ Ավելի քան 35 տարվա լայնածավալ գործունեության արդյունքում արհեստավարժ վարպետների կողմից ստեղծվել և շարունակում են ստեղծվել բազմաթիվ ձեռագործ իրեր՝ բնական ոչխարի բրդից գորգեր, կարպետներ, գեղանկարներ, կավե իրեր, զարդեր և խորհրդանշական բազմատեսակ հուշանվերներ, որոնց կարելի է ծանոթանալ և գնել Մաչանենց տարածքում գտնվող Հուշանվերների սրահից, ինչպես նաև աշխարհի տարբեր «անկյուններից» շնորհիվ Մաչանենց օնլայն հարթակների` www.machanents.com կայքի, ֆեյսբուքյան, ինստագրամյան էջերի, վիրտուալ սրահի։ Իսկ Մաչանենց տան պատկերասրահներում իրականացվում է հայտնի գեղանկարիչների՝ Ընծայի (Գևորգ Բաբախանյան), Գրիգոր Մաչանենցի (Գրիգոր Մաչանենց Բաբախանյան), Ապրեսիկի (Ապրեսիկ Ալոյան), Մաչանենց արվեստի միջազգային սիմպոզիումի տարբեր տարիների օտարերկրյա և հայ մասնակիցների գեղանկարների ցուցահանդես-վաճառք։ «Մաչանենց տուն» սոցիալական ձեռնարկությունը վերոնշյալ գործունեությունից ստացված հասույթն ուղղում է սոցիալական ծրագրերի իրականացմանը (Կատարել նվիրատվություն →)։

Ամեն տարի ավելի շատ զբոսաշրջիկներ են այցելում Հայաստան ամբողջ աշխարհից՝ փորձելով բացահայտել հայկական մշակութային մեծ ժառանգությունը, ավանդույթները և տանել իրենց հետ դրա մի մասնիկը՝ ձեռք բերելով վերոհիշյալ արժեքները։ Առցանց հարթակների և համաշխարհային առաքումների շնորհիվ մեր գնորդները հեշտությամբ դառնում են մի մասնիկն այն առաքելության, որը կրում ենք ավելի քան 36 տարի։
 

ԱՆՑՆԵԼ ԳՆՈՒՄՆԵՐԻ →

ՀԵՏԱԴԱՐՁ ԿԱՊ →