Մաչանենց արվեստի միջազգային սիմպոզիում 2023

«ԽԱՂԱՂՈՒԹՅԱՆ ԿՆԻՔԸ»
ՕԳՈՍՏՈՍԻ 1-7

«Մաչանենց» արվեստի միջազգային 8-րդ սիմպոզիումը կազմակերպվում է «Հայ Միասնության Խաչ» բարեգործական մշակութային հասարակական կազմակերպության կողմից՝ «Մաչանենց տուն» սոցիալական ձեռնարկության, «Արփինետ» ՍՊԸ-ի , «Մաչանենց վայն»-ի, «Ինովացիոն Էթնիկ Մարզային Կենտրոն»-ի աջակցությամբ:
Տեղեկատվական հովանավոր՝ «Արփի մեդիա» ընկերություն։
Սիմպոզիումի գործընկեր՝ Հայաստանի նկարիչների միություն։

1. ՍԻՄՊՈԶԻՈՒՄԻ ՄԱՍԻՆ

Սիմպոզիումի նպատակն է՝
• Հայ և օտարերկրյա արվեստագետներին հնարավորություն ընձեռել ծանոթանալ և փոխանակվել փորձով,
• Համալրել մշտական գործող Մաչանենց արվեստի միջազգային պատկերասրահի հավաքածուն՝ նպաստելով միջմշակութային երկխոսությանը:

«Մաչանենց» արվեստի միջազգային 8-րդ սիմպոզիումի խորագիրն է
«ԽԱՂԱՂՈՒԹՅԱՆ ԿՆԻՔԸ»

Միջազգային սիմպոզիումի 7 օրերում ծնված նկարները կլինեն արվեստի խորհրդանշական կնիք՝ համաշխարհային ցանկալի խաղաղության։
Սիմպոզիումին մասնակից նկարչի կարգավիճակով՝ որպես խաղաղության դեսպան, ներառված են լինելու Հայաստանի Հանրապետությունում հավատարմագրված այլ պետությունների դեսպաններ, որոնց մեջ հնարավոր է լինի հենց Ձեր երկրի դեսպանը:

Սիմպոզիումի վերջին օրը՝ Օգոստոսի 7-ին, տեղի կունենա սիմպոզիումի ընթացքում ծնված աշխատանքների ՑՈՒՑԱՀԱՆԴԵՍԻ ՊԱՇՏՈՆԱԿԱՆ ԲԱՑՈՒՄԸ:

2. ՄԱՍՆԱԿԻՑՆԵՐԻ ԸՆՏՐՈՒԹՅՈՒՆԸ ԵՎ ՉԱՓԱՆԻՇՆԵՐԸ

Մասնակցել ցանկացողները machanentssymposium@gmail.com էլ. հասցեին պետք է ուղարկեն ՝
1. Ինքնակենսագրություն
2. 1 լուսանկար
3. 10 նկարից բաղկացած պորտֆոլիո

Մասնակցության հայտը ստանալուց հետո 15 աշխատանքային օրվա ընթացքում «Մաչանենց» արվեստի միջազգային սիմպոզիումի մասնակիցներին ընտրող հանձնաժողովը կպատասխանի Ձեր հայտին:

Հայտերի ընդունման վերջնաժամկետն է Հունիսի 15-ը։

3. ՍԻՄՊՈԶԻՈՒՄԻ ՊԱՅՄԱՆՆԵՐԸ
ԱՐՏԵՐԿՐՈՒՄ ԲՆԱԿՎՈՂ ՄԱՍՆԱԿԻՑՆԵՐԻ ՀԱՄԱՐ

Կազմակերպող կողմը («Հայ Միասնության Խաչ» ԲՄՀԿ-ն) տրամադրում է՝

Տեղափոխում օդանավակայանից հյուրանոց և ճանապարհում
Հյուրանոցում 7 օր կեցություն
3 անգամյա սնունդ
Անսահմանափակ սուրճ և թեյ
2 կտավ
Մշակութային երեկոներ
Մասնակցության վկայական
Քաղաքային և քաղաքից դուրս էքսկուրսիաներ

Մասնակիցը հոգում է ՝

350 $ մասնակցության վճար
Ճանապարհածախս
Անհրաժեշտության դեպքում՝ վիզայի ծախս
Ներկեր և վրձիններ

Յուրաքանչյուր մասնակից պատկերասրահին է նվիրելու 2 աշխատանք, որոնք ծնվելու են սիմպոզիումի ընթացքում:
Սիմպոզիումի ընթացքում ծնված աշխատանքների հետագա տնօրինման իրավունքն ամբողջությամբ անցնում է «Հայ Միասնության Խաչ» ԲՄՀԿ-ին։

4. ՀԱՃԱԽ ՏՐՎՈՂ ՀԱՐՑԵՐ

Որտե՞ղ են գիշերելու մասնակիցները

Մասնակիցների գիշերակացը տրամադրում է սիմպոզիումի աջակից «Մաչանենց տուն» սոցիալական ձեռնարկությունը։ Մասնակիցները կգիշերեն «Մաչանենց տուն» հյուրանոցային համալիրի հարմարավետ սենյակներում: Նկարիչները կիսելու են վեցտեղանի, չորստեղանի, երեքտեղանի և երկտեղանի սենյակներ։ Առավել վաղ դիմած մասնակիցները հնարավորություն կունենան կիսելու երկտեղանի սենյակները։

Որտե՞ղ են ստեղծագործելու մասնակիցները

Մասնակիցները կստեղծագործեն Մաչանենց տան բակում:

Ի՞նչ թեմայով են ստեղծագործելու նկարիչները

Ստեղծագործելու թեման խաղաղությունն է, մոտեցումները՝ ազատ ստեղծագործական,
* բացառություն՝ քաղաքական թեմայով նկարները չեն խրախուսվում և չեն ցուցադրվելու:

5. ՀԵՏԱԴԱՐՁ ԿԱՊ

ՀԱՅ ՄԻԱՍՆՈւԹՅԱՆ ԽԱՉ ԲՄՀԿ

ՀՀ, ք. Էջմիածին 1101, Շահումյան 36
Հեռ. (+374) 77 37 14 04, (+374) 93 69 91 36
Էլ. փոստ: machanentssymposium@gmail.com

ՖԵՅՍԲՈՒՔ՝

Հայ Միասնության Խաչ ԲՄՀԿ՝
https://www.facebook.com/CAUNGO/
Մաչանենց արվեստի միջազգային սիմպոզիում՝
https://www.facebook.com/machanentsartsymposium/
Մաչանենց տուն՝
https://www.facebook.com/machanentshouse/
«Մաչանենց տուն» հյուրանոցային համալիր`
http://www.booking.com/hotel/am/machanents-guesthouse.ru.html
www.booking.com/hotel/am/machanents-art.ru.html