Մաչանենց Տուն

    ՄԱՉԱՆԵՆՑ ՏՈՒՆ-ը սոցիալական ձեռնարկություն է, որը գործում է Էջմիածին քաղաքում 2010 թվականից: 
Սոցիալական ձեռներեցության աշխատանքների արդյունքում Էջմիածնում գործող «Հայ Միասնության Խաչ» բարեգործական մշակութային հասարակական կազմակերպությունում բացվել են մշակութային օջախներ` Արվեստաց դպրոց, թատրոն, մանկական պատկերասրահ և այլն:
Ընկերությունը կազմակերպում է հյուրընկալություններ, վարպետության դասեր զբոսաշրջիկների համար, տարածքում գործում է նաև Արտ հյուրանոց և Հյուրատուն, որտեղ հյուրերը կարող են իրենց անմոռանալի հանգիստն անցկացնել՝ ընտրելով թեմատիկ սենյակներից որևիցե մեկը, ինչպես նաև տեսնել հայկական կենցաղավարման բազում իրեր հնագիտական և ազգակրական թանգարաններում:

    Այստեղ դուք կարող եք համտեսել հայկական ավանդական խոհանոցի բազմազան ճաշատեսակներ ու կերակուրներ, մասնակցել տոլմայի, լավաշի, ավանդական գաթայի, հալվայի, թթվի, սուջուխի վարպետության դասերի: 
Կարող եք սովորել հայկական ավանդական կերակուրների պատրաստման եղանակներ, ականատես լինել ավանդական եղանակով գինու պատրաստման արարողությանը: 
Իսկ կավագործության, նկարչության, կարպետագործության, գորգագործության, բատիկայի, թատրոնի և տարազի վարպետության դասերը էլ ավելի հետաքրքիր կդարձնեն Ձեր հանգիստը:
2019 թվականի հունիսին Մաչանենց տանը բացվեց «Հին օրերի երգը» սոցիալական ռեստորանը, որտեղ աշխատում և մատուցում են 63 տարեկան և բարձր անձիք, իսկ ռեստորանը կահավորված է մեր տատիկների տունը հիշեցնող ոճով։

    Տարածքում գործում են պատկերասրահներ՝
«Ընծա» պատկերասրահում ցուցադրվում և վաճառվում են արվեստագետ Ընծայի գեղանկարները։
«Մաչանենց միջազգային պատկերասրահում» ցուցադրվում և վաճառվում են օտարազգի արվեստագետների գեղանկարները:
«Հանդիպում Մաչանենցի հետ» սրահում ցուցադրվում և վաճառվում են «Հայ Միասնության Խաչ» ԲՄՀԿ-ի և «Մաչանենց տուն» ՍՁ-ի հիմնադիր Գրիգոր Մաչանենց Բաբախանյանի հեղինակային արվեստի գործերը։
«Մանկական պատեկերասրահում» ցուցադրվում և վաճառվում են «Հայ Միասնության Խաչ» ԲՄՀԿ-ի Արվեստաց դպրոցի սաների աշխատանքները:

    Գինու սիրահարները «Համաշխարհային Պոետների Գինետանը» կարող են վայելել հնամյա հնձանի մեջ պատրաստված ՄԱՉԱՆԵՆՑ գինին և ծանոթանալ գինու մասին գրված համաշխարհային մտքի պատառիկներին:
Այստեղ է նաև տարածաշրջանում եզակի Արևահամ խոհանոցը, որը գործում է հայ գյուտարարի ստեղծած արևային ափսեների շնորհիվ։ Այստեղ կարող եք համտեսել արևի շողերով պատրաստված էկոլոգիապես մաքուր և համեղ սնունդ։
Տարածքում գործում են թանգարաններ՝ «Մաչանենց հնագիտական թանգարանում» ներկայացված են հայկական կենցաղավարման հնագույն իրեր: «Խեցեգործության թանգարանում» ներկայացված են մինչև 5000 տարվա պատմություն ունեցող հայկական խեցեգործության նմուշների պատճեներ:
    Ավելի քան 35 տարվա լայնածավալ գործունեության արդյունքում արհեստավարժ վարպետների կողմից ստեղծվել և շարունակում են ստեղծվել բազմաթիվ ձեռագործ իրեր՝ բնական ոչխարի բրդից գորգեր և կարպետներ, կավե իրեր, զարդեր և խորհրդանշական բազմատեսակ հուշանվերներ, որոնց կարելի է ծանոթանալ և գնել Մաչանենց տարածքում գտնվող Հուշանվերների սրահից, ինչպես նաև աշխհարհի տարբեր «անկյուններից» շնորհիվ Մաչանենց օնլայն հարթակների` ֆեյսբուքյան, ինստագրամյան էջերի, www.machanents.com կայքի, վիրտուալ սրահի։

    Փողոցը, որի վրա գտնվում է զբոսաշրջիկի տեղակայանը, կոչվում է նաև «Ուխտավորի Ճանապարհ», քանի որ այն սկիզբ է առնում Մայր Տաճարից և ձգվում մինչև Խոր Վիրապ: 
Տեղացիները փողոցն անվանում են «Բալենիների փողոց» և իրենց տների առջև տնկում բալենիներ` հավատալով, որ այն երջանկություն է բերում:

Հեռ․՝ +374 98 665 300
Հասցե՝ ք․Էջմիածին, Շահումյան 36
Էլ․ հասցե՝ info@mta.am